威武文明之師

14-07-2017 在〈威武文明之師〉中留言功能已關閉 評論文章

林建岳博士

上周剛完成一系列慶祝香港回歸祖國二十周年嘅重頭活動,十分精彩。香港回歸祖國二十周年,亦係中國人民解放軍進駐香港二十周年。喺呢個值得紀念嘅日子,更迎來解放軍海軍航母編隊來港。上周五,國家第一艘航空母艦「遼寧號」、率領三艘屬艦「濟南號」、「銀川號」、「煙台號」組成嘅航母編隊抵達,一連五日停泊香港。

今次係國家航空母艦編隊首次來港,遼寧艦更係首次對公眾開放,機會十分難得。我知道有唔少市民希望可以親眼見到國家第一艘航空母艦遼寧號,深夜排隊撲飛,為嘅就係登艦一睹航母風采。不只如此,編隊官兵在港期間,亦有參與慈善活動,軍民同樂,不但義賣紀念品捐助安老院,更探訪老人家。從國家嘅層面講,我哋正在實現中華民族偉大復興嘅中國夢,o依家能夠擁有自己嘅航母,絕對係實現幾代人嘅夢想。我相信香港年青人亦加深了對國家現代化國防建設嘅認識,感受到國家海軍「威武文明之師」嘅風采。

如果講到我哋嘅威武文明之師,嚟緊由香港導演劉偉強執導、內地導演黃建新監製嘅電影《建軍大業》將於八月三號喺香港上映,齣戲講嘅係一九二七年南昌起義前後,革命先輩們喺極其艱苦嘅環境下建軍嘅一段歷史,相信可以加深市民對解放軍歷史嘅認識。呢部電影最大亮點係有一批「小鮮肉」擔綱主演,我有睇過試片,可以同大家講,呢部電影同樣不容錯過!

(刊於 頭條日報)

Related Articles